सिल्भा सोसिसाडसँग आबद्ध हुँदा क्लबको वेबसाइट नै क्र्यास

मेगा खबर संवाददाता

२, भाद्र २०७७

1.6K

सिल्भा सोसिसाडसँग आबद्ध हुँदा क्लबको वेबसाइट नै क्र्यास

एजेन्सी। रियल सोसिडाडले म्यान्चेस्टर सिटीका पूर्वमिडफिल्डर डेभिड सिल्भालाई फ्रि–ट्रान्सफरमा अनुबन्ध गर्न सफल भएको छ ।

३४ वर्षीय खेलाडीले क्लसँग २ वर्षको करार गरेका छन् । यो आश्चर्यजनक खबर प्रकाशित भएको केही समयमा नै रियल सोसिडाडको वेबसाइट नै क्र्यास भएको थियो । हजारौँ फ्यानहरुले एकै पटक उक्त करारको बारेमा जानकारी लिन वेबसाइटमा लग इन गरेका थिए ।

सिरिए टोली लाजियोले सिल्भालाई अनुबन्ध गर्ने चर्चा चलिरहँदा उनले आश्चर्यजनकरुपमा पुनः स्पेन फर्कने निर्णय गरेका थिए । एक दशक सिटीमा बिताउन अघि उनी भ्यालेन्सियासँग आबद्ध थिए । सोसिडाडमा सिल्भाले २१ नम्बरको जर्सी लगाउनेछन् । गत सिजन उक्त जर्सी नर्वेका अन्तर्राष्ट्रिय मार्टिन ओडेगार्डले लगाउँथे । गत सिजन उनी रियल म्याड्रिडबाट लोनमा सोसिसाड आएका थिए ।

सिटीका लागि ४३६ खेल खेलेका सिल्भालाई क्लबको महत्त्वपूर्ण खेलाडी मानिन्थ्यो । क्लबलाई प्रिमियर लिगको शक्तिशाली टोली बनाउनमा उनको ठूलो योगदान रहेको थियो । १० सिजन बिताएका सिल्भाले सिटीसँग ४ प्रिमियर लिग, दुई एफए कप, पाँच लिग कप र तीन कम्युनिटी सिल्डको उपाधि जितेका थिए ।

मंगलवार, भाद्र २ २०७७१०:२९:२७

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।