सेयर बजारमा सामान्य सुधार, नेप्से २६५४ अंकमा

मेगा खबर संवाददाता

६, आश्विन २०८३

166

सेयर बजारमा सामान्य सुधार, नेप्से २६५४ अंकमा

काठमाडौं, साताको पहिलो कारोबार दिन सोमबार सेयर बजारमा सामान्य सुधार देखिएको छ । नेप्से परिसूचक ७.०६ अंकले बढेर २६५४ अंकमा पुगेको छ ।

बजार बढेसँगै कारोबार रकम पनि उकालो लागेको छ । अघिल्लो कारोबार दिन ६ अर्ब ७४ करोड रुपैयाँ बराबरको कारोबार भएकोमा आज ७ अर्ब ४ करोड रुपैयाँको कारोबार भएको छ ।

आज अन्य समूहमा लगानीकर्ताको आकर्षण बढी देखिएको छ । उक्त समूहको सूचक १.३६ प्रतिशतले बढेको छ । यस्तै बैंकिङ ०.३५, विकास बैंक ०.४३, होटल तथा पर्यटन ०।३१, लगानी ०.४८, जीवन बीमा ०.८२ र माइक्रोफाइनान्स ०.४८ प्रतिशतले बढेका छन् ।

यता फाइनान्स ०.५२, जलविद्युत् ०.१४, उत्पादन तथा प्रशोधन ०.२४, निर्जीवन बीमा ०.०२ र व्यापार समूह ०.९३ प्रतिशतले घटेका छन् ।

आज कारोबार भएका कम्पनीमध्ये १३७ कम्पनीको सेयर मूल्य बढेको, १३१ कम्पनीको घटेको र ११ कम्पनीको मूल्य स्थिर रहेको छ ।

मूल्य बढ्नेमा मिडसोलु हाइड्रोपावर १५ प्रतिशतसहित अगाडि छ । त्यस्तै फर्स्ट माइक्रोफाइनान्स ७।७५, मैलुङखोला जलविद्युत् ५।६३ र मान्डु हाइड्रोपावर ५.४३ प्रतिशतले बढेका छन् ।

घट्नेमा स्नो रिभर्स ८.२३ प्रतिशतले अगाडि छ । नारायणी डेभलपमेन्ट बैंक ६.९६, बोटलर्स नेपाल बालाजु ६.७५ र इन्फिनिटी लघुवित्त ५.६४ प्रतिशतले घटेका छन् ।

कारोबार रकमका आधारमा हाथवे इन्भेस्टमेन्ट, हिमालयन डिस्टिलरी, घलेम्दी हाइड्रोपावर, लिबर्टी इनर्जी, कुमारी बैंक, सानिमा मिडिल तमोर र लक्ष्मी सनराइज बैंकलगायत कम्पनी अगाडि रहेका छन् ।

मंगलवार, आश्विन ६ २०८३०३:५१:४०

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।