रञ्जना राई

काठमाडाैँ, बैशाख १४

उदयपुर जिल्लाको लिम्चुबुङ गाउँपालिकाले त्यहाँको उच्च स्थानमा एभरेष्ट भ्यूटप टावर निमार्ण गरिरहेको छ ।  बिश्वको सर्वोच्च शिखर सगरमाथा लागायत आठ हजार भन्दा माथिका ६ अग्ला हिमालहरूको सुन्दर दृश्य एकैपटक एकैठाउबाट हेर्न सकिने  गाउँपालिका अध्यक्ष मेजर कुमार राइले जानकारी दिए ।

पर्यटन प्रवर्द्धन मार्फत आर्थिक परिवर्तन गरी जनताको जनजीवन सुखी र धनी बनाउनका लागि  गाउँपालिकाले प्रकृति र संस्कृतिलाई रोजेर योजना अगाडि  बढाइएको छ । यो एक व्यावसायिक नेपालकै चर्चित फरक पर्यटन टावर बन्ने अध्यक्ष राईले जानकारी दिदै निर्माणाधीन भिउटपको  बुदागत रूपमा विस्तृत प्रस्तुत गरेका छन् ।

१,टावर एकदमै आकर्षक बन्नेछ,टावरको उचाई १२० फिट ३ ईन्चको हुनेछ । टावरको टुप्पोमा ९ फिटको पहेलो कलरको आकर्षक चिण्डो रहनेछ भने टावरको वरिपरि चारधाम निर्माण गरेर लिम्चुङबुङलाई पर्यटन र धार्मिक हिसावले केन्द्र बनाईनेछ ।

२,टावरको पहिलो तलामा १ हजार,५ सय,३ सय क्षमताको ३ वटा व्यवसायिक हलहरु रहने छन् । उक्त हलहरुमा सभा,सम्मेलन,सेमिनार,गोष्टि र व्यवसायीक तालिमहरु सञ्चानमा ल्याईनेछ ।

3, दोस्रो तलामा अर्गानिक स्वादका  मिठामिठा परिकार सहितको होटेलहरु सञ्चालन हुनेछ ।

४, टावरको १०० फिट उच्चाईमा पर्यटकहरुको लागि लक्षित गरेर १५० जना जति अटाउने रेष्टुरेन्ट सञ्चालन हुनेछ । त्यहि रेष्टुरेन्टबाट पर्यटकहरु सगरमाथा सहित ८ हजार भन्दा माथिका ६ वटा हिमालहरु,अतिनै सुन्दर सूर्यदय र सूर्यअस्त हेर्न सकिनेछ भने यसको साथसाथै पहाडका अनगन्ती सुन्दर थुम्काहरु र मधेशका फाटहरुलाई एकैसाथ नियाल्न वाईनाकुलर समेत प्रयोगमा ल्याईनेछ ।

५,लिम्चुङबुङ सगरमाथाको दृश्यअवलोकन गर्न,मधेशबाट गर्मी छल्न,गालिगुराँस,सूर्यदय,सूर्यअसत हेर्न,मगर,तामाङ,शेर्पा,किरात संकृति र खानपानको साथमा र त्रिधाम तपोभूमी हलेसीको दर्शन प्याकेजमा,सुनकोशीमा स्वीमिङ,र्याफ्टिङ गर्न,सेताम्य बगरहरुमा खेल्न समेत लिम्चुङबुङ पर्यटकहरुको रोजाईमा पर्ने छ ।

निर्माणाधीन भिउँटपको पहिलो तला ढलान भैसकेको छ,यो निर्माण सम्पन्न भएपछि लिम्चुङबुङ बासीको जनजीवन परिवर्तन संगै छिमेकी पालिकाहरूको लागि पनि लाभदायक हुने अध्यक्ष राईले  बताए ।