बुढानीलकण्ठमा नव दुर्गा युवा क्लबद्वारा प्रथम वडा अधक्ष्य कपको आयोजना गर्दै

मेगा खबर संवाददाता

२६, कार्तिक २०८१

1.3K

बुढानीलकण्ठमा नव दुर्गा युवा क्लबद्वारा प्रथम वडा अधक्ष्य कपको आयोजना गर्दै

काठमाडाै, “खेलबाट खेलाडिको पहिचान,खेलाडिनै हो यो देशको शान” भन्ने मुल नाराका साथ नव दुर्गा युवा क्लबले बुढानीलकण्ठ -१२ प्रथम वडा अध्यक्ष कप ५ ‘अ’ साइड फुटसल प्रतियोगिता आयोजना गर्न लागेको छ ।

बुढानीलकण्ठ - १२ सँगको सहकार्यमा क्लबले कार्तिक २९ र ३० गते खेल सञ्चालन गर्न लागेको हो भने सो प्रतियोगिता वडा नं १०,बालुवाखानी स्थित कप-अन फुटसल मैदानमा हुने र उक्त प्रतियोगितामा नगरपालिकाका स्थायि खेलाडीहरुको समुहले भाग लिन पाउने छन् । यस प्रतियोगितामा सहभागी हुन दर्ता शुल्क रु.५ हजार तोकिएको छ । दर्ता फारम बुझाउने अन्तिम मिति २०८१ कार्तिक २५ गते सम्म अनिवार्य बुझाउनु पर्ने आयोजकले जनाएको छ ।

आयोजकका अनुसार प्रतियोगिता ५ ‘अ’ साईड ढाँचामा सञ्चालन हुन्छ । यसको सम्पुर्ण खेलहरू लिग र नकआउट चरणमा खेलाईने छ । प्रतियोगिताको विजेतालाई नगद रु.६० हजार र उपविजेतालाई रु.३० हजार पुरस्कार सहित शिल्ड,मेडल र प्रमाण पत्र प्रदान गरिने छ । साथै उत्कृष्ट खेलाडि र उत्कृष्ट गोलरक्षकलाई नगद रु.२५०० पुरस्कार दिने आयोजकले जानकारी दिएका छन् । बु.न.पा.-१२ का वडा अधक्ष्य शम्भु प्रसाद भट्टराई भन्छन् "बुढानिलकण्ठ नगरपालिका भित्र रहेका १३ वडाहरुलाई लक्षित गर्दै यो प्रतियोगिता आयोजना गरिएको हो र त्यस्तो प्रतियोगिता हरेक वर्ष निरन्तर रुपमा गर्नेछौ ।"

समुह दर्ता भईरहेकाले ईच्छुक टिमलाई आयोजकले प्रदान गरेको सम्पर्क नं ९८५१३४५१०८ र ९८६०२७५८६१ मा सम्पर्क गर्नु आयोजकले जानकारी दिएको छ ।

सोमवार, कार्तिक २६ २०८१०६:२५:१४

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।