चाडपर्वअघि चिनीको चर्चा, सरकार भन्छ– अभाव छैन

मेगा खबर संवाददाता

३१, भाद्र २०८३

406

चाडपर्वअघि चिनीको चर्चा, सरकार भन्छ– अभाव छैन

३१ भदौ, काठमाडौं, चाडपर्व नजिकिँदै गर्दा बजारमा चिनी अभाव भएको र महँगो मूल्य तिर्नुपरेको उपभोक्ताको गुनासो छ । तर सरकारले भने बजारमा चिनीको अभाव नरहेको र आपूर्ति सहज रहेको दाबी गरेको छ ।

वाणिज्य,आपूर्ति तथा उपभोक्ता संरक्षण विभागका अनुसार काठमाडौं उपत्यकामा प्रतिलिटर होइन,प्रतिकिलो ११० रुपैयाँमै चिनी बिक्री भइरहेको छ । भाटभटेनी, बिग मार्ट,सेल्सबेरीलगायत एक हजारभन्दा बढी बिक्री केन्द्रबाट चिनी उपलब्ध हुने विभागले जनाएको छ ।

भोटेकोशी बाढी,कृष्णभीरको पहिरो र भारतबाट चिनी निकासीमा देखिएको समस्याका कारण बजारमा अभाव भएको चर्चा चलेपछि सरकारले आपूर्ति सहज बनाउन सरोकारवालासँग छलफल गरेको थियो ।

उद्योग,वाणिज्य तथा आपूर्तिमन्त्री दीपककुमार साहको अध्यक्षतामा ३० भदौमा बसेको बैठकपछि आपूर्ति सहज बनाइएको विभागको भनाइ छ ।

विभागका प्रवक्ता अनिल किराँतीले चिनी पर्याप्त रहेकाले उपभोक्तालाई नआत्तिन आग्रह गरेका छन् । उनले अभावको डरले आवश्यकताभन्दा बढी चिनी थुपारेर नराख्न समेत आग्रह गरेका छन् ।

बुधवार, भाद्र ३१ २०८३०५:२५:०९

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।