त्रिपुरेश्वरमा चालकले नै बसमा आगो लगाएको प्रहरीको प्रारम्भिक निष्कर्ष

मेगा खबर संवाददाता

५, आश्विन २०८३

361

त्रिपुरेश्वरमा चालकले नै बसमा आगो लगाएको प्रहरीको प्रारम्भिक निष्कर्ष

काठमाडौंको त्रिपुरेश्वर चोकस्थित बस स्टपअगाडि बसमा आगलागी भएको घटनामा चालक आफैँले आगो लगाएको हुनसक्ने प्रहरीको प्रारम्भिक निष्कर्ष छ ।

बा ५ ख ४२७४ नम्बरको बसमा आगो लाग्दा चालक बसभित्रै रहेका थिए । उनी बाहिर ननिस्किएकाले चालकबाटै आगजनी भएको हुनसक्ने आशंका गरिएको हो ।

जिल्ला प्रहरी परिसर काठमाडौंका एसएसपी दिलिप घिमिरेले घटनाबारे अनुसन्धान भइरहेको र अहिलेसम्मको अनुसन्धानबाट चालकबाटै आगजनी भएको देखिएको बताए । बस चालक काभ्रेका २५ वर्षीय दावा लामा हुन् । उनलाई उपचारका लागि कीर्तिपुर अस्पताल पठाइएको छ ।

प्रहरीले आगजनीको यकिन कारण खुल्न बाँकी रहेको जनाएको छ । ट्राफिक प्रहरीसँग भएको विवादपछि चालकले आगो लगाएको हुनसक्ने आशंका गरिए पनि यसबारे अनुसन्धान जारी छ ।

सशस्त्र प्रहरीको टोलीले दमकलको सहयोगमा बसमा लागेको आगो नियन्त्रणमा लिएको छ ।

सोमवार, आश्विन ५ २०८३०१:१९:३९

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।