दुष्ट छिमेकी

दुष्ट छिमेकी...

सीमा मिच्यो किन अधमले धृष्टता साथ हाम्रो

आत्मा बिक्यो कि त रकममा सम्झ नेतृत्व राम्रो ।

गोर्खालीको अविजित धराधाम भन्ने भुलेकी

सत्ता कुर्सी पदमहकमा या त आफ्नै चुकेकी ।

हो आमाले सकस सहँदा दुख्छ साँच्चै कलेजो

छोराछोरी सब हिँड उतै साँध छेकी बसेभाे ।

छाेड्याैँ छाडा यदि कुटिल त्यो बाजलाई भनेत

लुछ्दै चुड्दै पलकभरमा लान्छ हड्डी समेत ।

नासाे हाे याे अग्रजहरुको हुन्न बेचेर खान

प्यारो माटाे मुटु सरह हाे दिन्नँ हेपेर लान ।

रेखाे पाखाे कलकल नदी नाच्छ डाँफे मुनाल

नेपालीको मुकुटसरि हाे टल्कने त्यो हिमाल ।

नाकाबन्दी गर बरु तिमी भोकभोकै बसौंला

बाँझाे बारी मलजल गरि बाेट आफैँ लगाैँला ।

दिन्नौँ हाम्रो जल जमिन यो मर्न हुन्छौँं तयार

आमा भुल्ने जगतभरमा के छ त्यस्तो जुहार ?

आफ्ना माझै खटपटदेखि सार्छ ब्वाँसो सिमाना

माैका छाेपी कुन प्रहरमा हान्ला टुंगो हुँदैन ।

मिल्दा राम्रो मिल सबजना मिल्नुमा नै भलाई

बन्दै आए रिपुदल दियो कोर्नुपर्ला सलाई ।

उषा नेपाल

सिन्धुपाल्चोक

शनिवार, आषाढ २० २०७७०७:०८:५७

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।