सेनाले लियो २७ जनालाई नियन्त्रणमा, ३१ वटा हतियार बरामद

मेगा खबर संवाददाता

२५, भाद्र २०८२

601

सेनाले लियो २७ जनालाई नियन्त्रणमा, ३१ वटा हतियार बरामद

नेपाली सेनाले २७ जनालाई नियन्त्रणमा लिएको छ । सूचना निर्देशनालयले बिहानसम्म २७ जनालाई नियन्त्रणमा लिएको जानकारी दिएको छ ।

लुटपाट,आगजनी,विध्वंस लगायतमा संलग्न रहेको आरोप उनीहरूमाथि छ । उनीहरूबाट प्रहरीले ३१ वटा बन्दुक बरामद गरेको छ । काठमाडौंमा २३ वटा र पोखरामा ८ वटा बन्दुक बरामद भएको हो । ३ वटा बारुण यन्त्रको प्रयोग गरी आगजनी नियन्त्रण गर्ने कार्य भईरहेको सेनाले जनाएको छ । काठमाडौँको गौशाला-चाबहिल-बौद्ध क्षेत्रबाट लुटपाटमा संलग्न व्यक्तिहरुबाट ३३ लाख ७० हजार रुपैयाँ बरामद भएको छ ।

यसबीचमा सुरक्षाकर्मीसमेत घाइते भएका छन् । २३ जना नेपाल प्रहरी र ३ जना गैर सैनिक व्यक्तिको हाल सैनिक अस्पतालमा उपचार भइरहेको नेपाली सेनाले जनाएको छ । सेनाले विद्यमान परिस्थिति नियन्त्रणमा सबै सुरक्षा संयन्त्र सक्रिय रहेको र नागरिकलाई शान्ति सुरक्षामा सहयोग गर्न आह्वान गरेको छ ।

बुधवार, भाद्र २५ २०८२११:२१:४४

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।