धुलिखेल–खावा सडकमा १५ दिन राति सवारी बन्द

मेगा खबर संवाददाता

१३, आषाढ २०८३

721

धुलिखेल–खावा सडकमा १५ दिन राति सवारी बन्द

अरनिको राजमार्गअन्तर्गत धुलिखेल–खावा सडक खण्डको स्तरोन्नति तथा कालोपत्रे कार्यलाई तीव्र बनाउन १५ दिन रातिको समयमा सवारी आवागमन रोकिने भएको छ ।

जिल्ला सुरक्षा समितिको निर्णय अनुसार असार २२ देखि साउन ४ गतेसम्म बेलुका ७ बजेदेखि बिहान ५ बजेसम्म उक्त सडक खण्डमा सवारी सञ्चालन बन्द रहनेछ । यस अवधिभर टिपर र ठूला मालवाहक ट्रकलाई पूर्ण रूपमा प्रवेश निषेध गरिएको छ भने अन्य सवारीसाधनलाई पनि रातिको समयमा सञ्चालन गर्न नपाइने व्यवस्था गरिएको छ ।

निर्माण कार्यलाई समयमै सम्पन्न गर्न र सडकको कामलाई सहज बनाउन यस्तो निर्णय गरिएको प्रशासनले जनाएको छ । यात्रु तथा चालकलाई सम्भव भएसम्म वैकल्पिक मार्ग प्रयोग गर्न आग्रह गरिएको छ ।

यद्यपि,एम्बुलेन्स,सुरक्षा निकाय तथा अन्य अत्यावश्यक सेवाका सवारीसाधन भने पूर्ववत् सञ्चालन गर्न पाउनेछन् । सवारी व्यवस्थापनका लागि सम्बन्धित जिल्लाका प्रशासन कार्यालय र सुरक्षा निकायबीच आवश्यक समन्वय गरिने पनि जनाइएको छ ।

शनिवार, आषाढ १३ २०८३०४:३२:१७

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।