काठमाडौंमा सिक्री लुटेर फरार आरोपी पक्राउ गर्न प्रहरीको गोली, खुकुरीसहित नियन्त्रण

मेगा खबर संवाददाता

१७, श्रावण २०८३

2.3K

काठमाडौंमा सिक्री लुटेर फरार आरोपी पक्राउ गर्न प्रहरीको गोली, खुकुरीसहित नियन्त्रण

काठमाडौं, काठमाडौंमा सिक्री लुटपाटको घटनामा संलग्न भई फरार रहेका एक जनालाई पक्राउ गर्ने क्रममा प्रहरीले गोली प्रहार गरेको छ ।

प्रहरीका अनुसार साउन १६ गते राति करिब १०:२५ बजे बुढानीलकण्ठ नगरपालिका–१३ चुनिखेल क्षेत्रमा सिक्री लुटपाट गरी फरार भएका कर्मा तामाङलाई पक्राउ गर्न खोज्दा उनले प्रहरीमाथि खुकुरी प्रहार गर्ने प्रयास गरेका थिए ।

प्रहरीमाथि आक्रमणको प्रयास भएपछि आत्मरक्षाका लागि तीन राउण्ड गोली प्रहार गरिएको प्रहरीले जनाएको छ । गोली लागेर घाइते भएका तामाङलाई नियन्त्रणमा लिइएको छ ।

उनको साथबाट घटनामा प्रयोग गरिएको खुकुरीसमेत बरामद गरिएको प्रहरीले जनाएको छ ।

घाइते तामाङको काठमाडौंस्थित ट्रमा सेन्टरमा उपचार भइरहेको छ। घटनाबारे प्रहरीले थप अनुसन्धान अघि बढाएको जनाएको छ ।

आइतवार, श्रावण १७ २०८३१०:१०:११

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।