एसएलसी फेल शिक्षकको पनि ३४ हजारभन्दा बढी तलब, सरकारले सार्वजनिक गर्‍यो नयाँ शिक्षक तलबमान

मेगा खबर संवाददाता

२१, श्रावण २०८३

637

एसएलसी फेल शिक्षकको पनि ३४ हजारभन्दा बढी तलब, सरकारले सार्वजनिक गर्‍यो नयाँ शिक्षक तलबमान

काठमाडौं, सरकारले सामुदायिक विद्यालयमा कार्यरत शिक्षकहरूको नयाँ तलबमान सार्वजनिक गरेको छ । नयाँ व्यवस्था अनुसार प्राथमिकदेखि माध्यमिक तहसम्मका शिक्षकहरूको तलब वृद्धि गरिएको छ । यसपटक एसएलसी अनुत्तीर्ण (फेल) शिक्षकहरूको मासिक तलबसमेत ३४ हजार रुपैयाँभन्दा माथि पुगेको छ ।

अर्थ मन्त्रालयले सार्वजनिक गरेको तलबमान अनुसार प्राथमिक तहमा दुईभन्दा बढी विषयमा एसएलसी अनुत्तीर्ण शिक्षकले अब मासिक ३४ हजार ४२६ रुपैयाँ तलब पाउनेछन् । त्यस्तै, दुई विषयसम्म मात्रै अनुत्तीर्ण भएका शिक्षकको तलब ३६ हजार ४४५ रुपैयाँ कायम गरिएको छ ।

प्राथमिक तहका एसएलसी उत्तीर्ण शिक्षकमध्ये तृतीय श्रेणीको ४३ हजार ४२८ रुपैयाँ, द्वितीय श्रेणीको ४८ हजार ३८७ रुपैयाँ र प्रथम श्रेणीको ६० हजार ८७४ रुपैयाँ मासिक तलब तोकिएको छ ।

निम्न माध्यमिक तहमा तृतीय श्रेणीका शिक्षकले ४८ हजार ३८७ रुपैयाँ, द्वितीय श्रेणीका शिक्षकले ६० हजार ८७४ रुपैयाँ र प्रथम श्रेणीका शिक्षकले ६३ हजार ९०४ रुपैयाँ तलब पाउनेछन् ।

सबैभन्दा बढी तलब माध्यमिक तहका शिक्षकहरूको रहेको छ। नयाँ दररेट अनुसार माध्यमिक तृतीय श्रेणीका शिक्षकको मासिक तलब ६० हजार ८७४ रुपैयाँ, द्वितीय श्रेणीका शिक्षकको ६७ हजार ९०७ रुपैयाँ र प्रथम श्रेणीका वरिष्ठ शिक्षकको ७४ हजार ९५८ रुपैयाँ कायम गरिएको छ ।

सरकारले संशोधित तलबमान २०८३ साउन १ गतेदेखि लागू गरेको जनाएको छ। तलबवृद्धिसँगै शिक्षकहरूले ग्रेड रकम तथा वृद्धिपश्चात् कायम हुने तलबको १० प्रतिशत मासिक प्रोत्साहन भत्ता पनि प्राप्त गर्नेछन् ।

यद्यपि सरकारले नयाँ तलबमान लागू गरे पनि सामुदायिक विद्यालयमा अझै पनि एसएलसी अनुत्तीर्ण शिक्षकहरू प्राथमिक तहमा कार्यरत रहेको विषयले शिक्षा क्षेत्रमा बहस कायमै रहेको छ ।

ttt

बिहिवार, श्रावण २१ २०८३१२:२०:३९

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।