भोटेकोसीमा बाढी आएको हल्ला गलत, प्रशासनले भन्यो– ‘नदी सामान्य अवस्थामा छ’

मेगा खबर संवाददाता

१५, भाद्र २०८३

400

भोटेकोसीमा बाढी आएको हल्ला गलत, प्रशासनले भन्यो– ‘नदी सामान्य अवस्थामा छ’

काठमाडौं, सिन्धुपाल्चोकको भोटेकोसी नदीमा ठूलो बाढी आएको भन्दै सामाजिक सञ्जालमा फैलिएका सूचना गलत रहेको जिल्ला प्रशासन कार्यालयले जनाएको छ ।

प्रशासनका अनुसार भोटेकोसीमा अहिले बाढीको अवस्था छैन । नदीको पानीको सतह सामान्यभन्दा केही बढे पनि ठूलो जोखिम हुने गरी बहाव नबढेको प्रशासनले स्पष्ट पारेको छ ।

चिनियाँ अधिकारीहरूले पनि नदीमा पानीको सतह केही बढेको जानकारी गराएका छन् । तर, बाढी आएको भन्दै त्रास फैलाउने किसिमका सूचना सामाजिक सञ्जालमा प्रसारित भएपछि स्थानीयमा अनावश्यक डर सिर्जना भएको प्रशासनको भनाइ छ ।

प्रशासनले नदीको वास्तविक अवस्थाबारे आधिकारिक निकायबाट पुष्टि गरेर मात्रै सूचना तथा समाचार सम्प्रेषण गर्न आग्रह गरेको छ । विपद्को संवेदनशील समयमा गलत वा अतिरञ्जित सूचना फैलाउँदा थप भ्रम र त्रास उत्पन्न हुने भन्दै सामाजिक सञ्जाल प्रयोगकर्तालाई समेत सचेत रहन भनिएको छ ।

हाल भोटेकोसी नदीमा सामान्य वृद्धि देखिए पनि ठूलो बाढीको अवस्था नरहेको प्रशासनले जनाएको छ ।

सोमवार, भाद्र १५ २०८३११:५३:२४

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।