चाणक्य नीतिः यस्ता साथी नबनाउनुहोस् कहिल्यै

मेगा खबर संवाददाता

८, मंसिर २०७७

6.5K

चाणक्य नीतिः यस्ता साथी नबनाउनुहोस् कहिल्यै

एजेन्सी– जीवनमा साथीहरुको विशेष महत्त्व हुन्छ, एउटा यस्तो सम्बन्ध जुन हामी सहजै आफैं छानिरहेका हुन्छौँ । हामीले को हाम्रो साथी हुने, को हाम्रो साथी नहुने भन्ने तय गरेका हुन्छौँ ।

चाणक्यले एउटा नीति यही विषयमा बनाएका पनि छन् । यदी हामीले यो नीतिलाई ध्यान दिने हो भने हामी पक्कै पनि धेरै समस्याहरुबाट बच्न सक्छौँ ।

चाणक्य नीतिको दोस्रो अध्यायको पहिलो श्लोकमा लेखिएको छः

परोक्षे कार्यहन्तारं प्रत्यक्ष प्रियवादिनम्।
वर्जयेत्तादृशं मित्रं विषकुंभम् पयोमुखम्।।

जो साथी हाम्रो अगाडि मीठो कुरा गर्छन् र हाम्रो पछाडि हाम्रैबारे गलत प्रचार गरिरहेका हुन्छन्, त्यस्ता साथीहरुलाई तत्काल छोड्नु पर्छ । यस्ता व्यक्तिहरुले हाम्रो अगाडि राम्रो कुरा वा प्रशंसा गरिरहेका हुन्छन् भने पछाडि अरु व्यक्तिहरुसँग हाम्रोबारे नै नराम्रो भनिरहेका हुन्छन् । यस्ता साथीहरुमा विष भरिएको हुने र त्यसले लामो समयसम्म नोक्सान पुग्ने चाणक्यले बताएका छन् ।

चाणक्य नीतिको दोस्रो अध्यायको छैटौँ श्लोक

न विश्वसेत् कुमित्रे च मित्रे चाऽपि न विश्वसेत्।
कदाचित् कुपितं मित्रं सर्वं गुह्यं प्रकाशयेत्।।

हामीले कुमित्र प्रति कहिल्यै भरोसा गर्नु पनि हुँदैन । यतिमात्र होइन, कोही असल मित्र छ भने पनि उस माथि हामीले पूर्ण रुपमा भरोसा मान्नुहुँदैन, भविष्यमा यस्ता साथीहरुसँग झगडा परेको खण्डमा आफ्नो सबै राज खोलिदिने भएकाले सचेत हुनु पर्ने चाणक्य नीतिमा उल्लेख गरिएको पाइन्छ ।

सोमवार, मंसिर ८ २०७७०७:०१:२७

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।