पहिरोेको कारण जुगलको नाम्फामा १८ घर उच्च जोखिममा, अलपत्र ३५ को उद्दार गरिदै

मेगा खबर संवाददाता

२६, आषाढ २०७७

5.5K

पहिरोेको कारण जुगलको नाम्फामा १८ घर उच्च जोखिममा, अलपत्र ३५ को उद्दार गरिदै

सिन्धुपाल्चोक । बिहिबार रातिदेखि परेको अविरल वर्षापछि जुगल गाउँपालिकाको बिभिन्न ठाउँमा बाढी पहिरो कारण जनजिवन कष्ठकर बनेकोछ ।

लिदीमा बिहिबार गएको पहिरोले माथिल्लो बलेफी हाईड्रोपावर कम्पनीको ईन्टेक समेत पुरिएका छ । त्यसै गरी सोही गा. पा. वडा नं. ३ नाम्फा गाउँ उच्च जोखिममा परेको छ । अन्य केही स्थानहरुमा गएको पहिरोले १ वटा गोठ र गोठमा रहेको बस्तुभाउ समेत पुरिएको जुगल गाउँपालिका अध्यक्ष होमनारायण श्रेष्ठले जानकारी दिनुभयो ।

जुगल गाउँपालिका वडा नं. ३ नाम्फाको १८ घर उच्च जोखिम परेको छ । बस्तीको दुबैतर्फबाट आएको पहिरोको कारण जोखिममा परेको हो । बस्तीमा रहेको ३५ भन्दा बढी ब्यक्ति अलपत्र परेका छन् । अलपत्र परेकाहरुको उद्दार गर्ने तयारीमा रहेको मौसम प्रतिकुलको कारण कठिनाई भइरहेको गा. पा. अध्यक्ष श्रेष्ठले जानकारी दिनुभयो ।

यसैगरी, बिहिबार देखि आएको अविरल वर्षापछि उर्लेको (बलेफी खोला) ब्रम्हायणी नदीको कारण बलेफी गा. पा. का पुरानो ऐतिहासिक बस्ती जलिबरे बजार, सिम्ले, बलेफी बजारमा समेत जोखिम बढेको छ ।

शुक्रवार, आषाढ २६ २०७७०२:३७:३१

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।