आँखाले शरीरको थकान र रगतको अवस्था देखाउँछ भने जिब्रोले हाम्रो पाचन प्रणाली,कलेजो,रगत,र दोषहरू (वात,पित्त र कफ)को अवस्थालाई प्रत्यक्ष रूपमा संकेत गर्दछ ।

आयुर्वेदका अनुसार,जिब्रोले शरीरको आन्तरिक गतिविधिहरूलाई प्रतिबिम्बित गर्दछ । यसको रंग,बनावट र आद्र्रताले शरीर भित्र सबै कुरा सन्तुलित छ कि छैन भनेर संकेत गर्दछ ।

जिब्रोको फरक रङ र तिनीहरूको अर्थ

१,अत्यधिक सेतो जिब्रो–  

जिब्रोमा बाक्लो सेतो पत्र देखियो भने,यसले कफ र विषाक्त पदार्थमा वृद्धि भएको संकेत गर्दछ । यो अवस्था तब हुन्छ जब खाना राम्ररी पच्दैन । राम्रोसाग नपचाइएको खानाले शरीरमा विषाक्त पदार्थहरू बनाउँछ । यो सामान्यतया जिब्रोमा सेतो तहको रूपमा देखिन्छ ।

लक्षणहरूः

– भारीपन महसुस हुनु

– बारम्बार चिसो लाग्नु

– पेटमा ग्यास र फुल्नु

– सास गन्हाउनु के गर्ने ?

– हल्का र सजिलै पच्ने खाना खानुहोस्

– बिहान मनतातो पानी पिउनुहोस्

– जिब्रो सफा गर्ने बानी बसाल्नुहोस्

– भुटेका र गुलियो खानेकुरा कम गर्नुहोस्

२, हल्का रातो वा गुलाबी जिब्रो सामान्य जिब्रो हल्का गुलाबी रंगको हुन्छ । यदि जिब्रो अत्यधिक रातो देखिन्छ भने,यसले पित्त दोष बढेको संकेत गर्दछ । शरीरको ताप बढ्दा ग्यास,एसिडिटी र कब्जियतजस्ता समस्याहरू सुरु हुन्छन् । आयुर्वेदका अनुसार पित्त बढ्दा जिब्रो रातो वा चम्किलो गुलाबी हुन सक्छ । यो अवस्था भिटामिन बी–१२ को कमीको संकेत पनि हुन सक्छ ।  

लक्षणहरूः

– मुखमा जलन  

– एसिडिटी

– कमजोरी

– चिडचिडापन के गर्ने ? 

– ज्यानलाई चिसो बनाउने खानेकुराहरू जस्तै नरिवल पानी खानुहोस् ।

– मसलादार खानेकुराको सेवनबाट बच्नुहोस् ।

– डाक्टरको सल्लाहमा भिटामिन जाँच गराउनुहोस् ।

३, पहेँलो जिब्रो

– कलेजो र पित्तमा असर जिब्रो अलिकति पहेँलो देखिन्छ भने,यसले शरीरमा पित्त र टक्सिन दुवैमा वृद्धि भएको संकेत गर्दछ । यसले मुख्यतया आन्द्रा र कलेजोलाई असर गर्छ । जब कलेजोले राम्रोसँग काम गर्दैन,हार्मोनल संतुलन पनि बिग्रन सक्छ । यो अवस्था जिब्रोको रंगमा देखिन्छ ।

लक्षणहरूः

– मुखमा तीतो स्वाद

– थकान

– भोक नलाग्नु

– पाचन समस्याहरू के गर्ने ?

– विशेषज्ञको सल्लाह अनुसार डिटक्सको लागि कागती पानी र त्रिफला सेवन गर्नुहोस् ।

– तेलयुक्त खानाबाट बच्नुहोस्

– नियमित व्यायाम गर्नुहोस् ।

४, सुख्खा जिब्रो

जिब्रो बारम्बार सुख्खा रहन्छ भने,यो वात दोष बढेको संकेत हुन सक्छ । यस्तो अवस्थामा,व्यक्तिलाई बारम्बार तिर्खा लाग्छ । तर पानी पिएपछि पनि सुख्खापन पूर्ण रूपमा हट्दैन । आयुर्वेदका अनुसार, यसले रस धातुको कमीलाई पनि संकेत गर्दछ । लक्षणहरूः

– छाला सुक्खा हुनु

– कब्जियत

– कमजोरी

के गर्ने ?

–दिनको सुरुवात आयल पुलिङको साथमा गर्नुहोस्

– प्रशस्त मात्रामा पानी पिउनुहोस्

– घिउ र तिलको तेलको सेवन सीमित गर्नुहोस्

- चिनिको सेवन कम गर्नुस्