जापानी इन्सेफ्लाइटिसबाट २६ जनाको मृत्यु, १२१ जनामा संक्रमण पुष्टि

मेगा खबर संवाददाता

३१, भाद्र २०८३

349

जापानी इन्सेफ्लाइटिसबाट २६ जनाको मृत्यु, १२१ जनामा संक्रमण पुष्टि

काठमाडौँ, नेपालमा जापानी इन्सेफ्लाइटिस (जेई) संक्रमणबाट मृत्यु हुनेको संख्या २६ पुगेको छ । स्वास्थ्य सेवा विभागका अनुसार सातै प्रदेशका ३६ जिल्लामा अहिलेसम्म १२१ जनामा संक्रमण पुष्टि भएको छ ।

मृत्यु हुनेमध्ये सबैभन्दा धेरै ६ जना झापाका छन् । त्यस्तै सुनसरी, सप्तरी, पर्सा, कैलाली र अर्घाखाँचीमा २–२ तथा अन्य जिल्लामा १–१ जनाको मृत्यु भएको छ ।

मृतकमध्ये १४ महिला र १२ पुरुष छन् । ७७ प्रतिशत मृतक ५० वर्षभन्दा माथिका रहेको प्रतिवेदनमा उल्लेख छ ।

चिन्ताजनक तथ्यका रूपमा जेई संक्रमणबाट मृत्यु भएका सबै २६ जनाले खोप नलगाएको पाइएको छ। हाल ५६ जना संक्रमित उपचाररत छन् ।

धानखेत तथा सुँगुर–बङ्गुर फार्म आसपास बस्ने र खोप नलगाएका व्यक्तिमा संक्रमणको जोखिम बढी रहेको स्वास्थ्य अधिकारीहरूले बताएका छन् ।

807949149_1765028494818155_3243594895316642556_n

बुधवार, भाद्र ३१ २०८३०५:३७:४२

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।