इन्स्पेक्टर सन्तोष खड्का उत्कृष्ट प्रहरी घोषित

मेगा खबर संवाददाता

२, आषाढ २०८३

550

इन्स्पेक्टर सन्तोष खड्का उत्कृष्ट प्रहरी घोषित

काठमाडौँ, अपराध अनुसन्धान कार्यालयमा कार्यरत इन्स्पेक्टर (प्रहरी निरीक्षक) सन्तोष कुमार खड्का जेठ महिनाको उत्कृष्ट प्रहरी घोषित भएका छन् । कार्यालयले उत्कृष्ट कार्यसम्पादनको मूल्याङ्कन गर्दै निरीक्षक खड्कालाई उत्कृष्ट प्रहरीका रूपमा सम्मान गर्दै पुरस्कार प्रदान गरेको हो ।

प्रहरी कर्मचारीहरूको मनोबल बढाउने उद्देश्यले अपराध अनुसन्धान कार्यालयले हरेक महिना उत्कृष्ट कार्य गर्ने प्रहरी कर्मचारीलाई प्रशंसा तथा पुरस्कार प्रदान गर्दै आएको छ । सोही क्रममा जेठ महिनामा अपराध अनुसन्धान तथा निगरानीसम्बन्धी जिम्मेवारीमा उत्कृष्ट भूमिका निर्वाह गरेको भन्दै प्रहरी निरीक्षक खड्कालाई सम्मान गरिएको हो ।

प्रहरी निरीक्षक खड्काले लामो समयदेखि जिम्मेवारीप्रति इमानदार र प्रतिबद्ध रहँदै सेवा प्रदान गर्दै आएका छन् । यसअघि नगर प्रहरी अन्तर्गत प्रहरी क्लब,भिरकुटी मन्डपलगायतका क्षेत्रमा खटिँदा उनले भिडभाड व्यवस्थापन तथा शान्ति सुरक्षा कायम गर्ने कार्यमा समेत महत्वपूर्ण भूमिका निर्वाह गरेका थिए ।

आफ्नो कर्तव्यप्रति समर्पित भई प्रभावकारी सेवा प्रवाह गरेको मूल्याङ्कन गर्दै अपराध अनुसन्धान कार्यालयका प्रमुख एसएसपीले निरीक्षक खड्कालाई उत्कृष्ट प्रहरी पुरस्कार प्रदान गरेका हुन् ।

मंगलवार, आषाढ २ २०८३०२:२१:०५

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।