ब्रड पिक आरोहणका क्रममा निम्सदाइको निधन पुष्टि, इलाइट एक्सपेडद्वारा श्रद्धाञ्जली

मेगा खबर संवाददाता

१६, श्रावण २०८३

2.0K

ब्रड पिक आरोहणका क्रममा निम्सदाइको निधन पुष्टि, इलाइट एक्सपेडद्वारा श्रद्धाञ्जली

काठमाडौं, विश्वप्रसिद्ध नेपाली पर्वतारोही निर्मल पुर्जा ‘निम्सदाइ’को पाकिस्तानस्थित ब्रड पिक हिमाल आरोहणका क्रममा हिमपहिरोमा परी निधन भएको पुष्टि उनको संस्थापक संस्था इलाइट एक्सपेडले गरेको छ ।

संस्थाले शनिबार जारी गरेको आधिकारिक वक्तव्यमा ब्रड पिक क्षेत्रमा आएको हिमपहिरोपछि निम्सदाइसहित आरोहणमा सहभागी अन्य सदस्यहरू पनि जीवित नरहेको जानकारी प्राप्त भएको जनाएको छ ।

हिमपहिरोमा निम्सदाइसँगै उनका विश्वासपात्र आरोहण साझेदार तथा गाइड पुरबहादुर गुरुङ (युक्ता) र निमा शेर्पाको पनि निधन भएको इलाइट एक्सपेडले जनाएको छ ।

वक्तव्यमा तीनै जनाप्रति भावपूर्ण श्रद्धाञ्जली अर्पण गर्दै उनीहरूका परिवार,आफन्त,साथीभाइ र शुभेच्छुकप्रति गहिरो समवेदना व्यक्त गरिएको छ । साथै शोकमा रहेका परिवारको गोपनीयताको सम्मान गर्न सबैसँग आग्रह गरिएको छ ।

इलाइट एक्सपेडले निम्सदाइलाई विश्व पर्वतारोहण क्षेत्रका महान् आरोही, साहसी नेता र लाखौं मानिसका प्रेरणास्रोतका रूपमा स्मरण गरेको छ । संस्थाले उनका असाधारण कीर्तिमानभन्दा पनि मानिसलाई ठूलो सपना देख्न,आफ्नै क्षमतामा विश्वास गर्न र सीमिततालाई चुनौती दिन प्रेरित गर्ने व्यक्तित्वका रूपमा उनको योगदान सधैं स्मरणीय रहने उल्लेख गरेको छ ।

शनिवार, श्रावण १६ २०८३०५:१०:२५

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।