१० पटक सगरमाथा चढेका युक्ताको स्वयम्भूमा अन्त्येष्टि, लाप्राकमा पनि दीप प्रज्ज्वलन

मेगा खबर संवाददाता

२२, श्रावण २०८३

376

१० पटक सगरमाथा चढेका युक्ताको स्वयम्भूमा अन्त्येष्टि, लाप्राकमा पनि दीप प्रज्ज्वलन

काठमाडौं, पाकिस्तानको ब्रोड पिक आरोहणका क्रममा हिमपहिरोमा परी ज्यान गुमाएका कीर्तिमानी नेपाली आरोही पुरबहादुर गुरुङ ‘युक्ता’को काठमाडौंमा शवयात्रासहित अन्त्येष्टि गरिएको छ ।

ब्रोड पिकमा ज्यान गुमाएका पर्वतारोही पुरबहादुर गुरुङको स्वयम्भूमा अन्त्येष्टि (तस्वीरहरू)

गोरखाको लाप्राकका युक्ताको शुक्रबार काठमाडौंको स्वयम्भूमा अन्त्येष्टि गरिएको हो । अन्तिम श्रद्धाञ्जलीका लागि उनको पार्थिव शरीरमा राष्ट्रिय झण्डा र नेपाली कांग्रेसको झण्डा ओढाइएको थियो ।

गृहमन्त्री सुधन गुरुङले युक्ताको पार्थिव शरीरमा राष्ट्रिय झण्डा ओढाएर सम्मानसहित श्रद्धाञ्जली अर्पण गरेका थिए । नेपाली कांग्रेसका सभापति गगन थापाले पार्टीको झण्डा ओढाएर श्रद्धाञ्जली अर्पण गरे। युक्ता नेपाली कांग्रेसका सदस्यसमेत थिए ।

पाकिस्तानको ब्रोड पिक आरोहणका क्रममा हिमपहिरोमा परी युक्तासहित १० जना आरोहीको मृत्यु भएको थियो। उनको पार्थिव शरीर बिहीबार अपराह्न काठमाडौं ल्याइएको थियो ।

युक्ता नेपालको पर्वतारोहण क्षेत्रमा परिचित नाम थिए । उनले सगरमाथाको सफल आरोहण १० पटक गरेका थिए ।

यसैबीच, युक्ताको जन्मगाउँ गोरखाको लाप्राकमा पनि स्थानीय बासिन्दाले दीप प्रज्ज्वलन गर्दै उनीप्रति श्रद्धाञ्जली अर्पण गरेका छन्। स्थानीयले युक्ताको योगदान र साहसको स्मरण गर्दै भावपूर्ण श्रद्धाञ्जली व्यक्त गरेका हुन् ।

शुक्रवार, श्रावण २२ २०८३०१:५२:११

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।