साउनको अन्तिम सोमबार पशुपतिनाथमा भक्तजनको घुइँचो

मेगा खबर संवाददाता

२५, श्रावण २०८३

115

साउनको अन्तिम सोमबार पशुपतिनाथमा भक्तजनको घुइँचो

काठमाडौं, साउन महिनाको अन्तिम अर्थात् चौथो सोमबार आज बिहानैदेखि पशुपतिनाथ मन्दिरमा पूजा–आराधना र दर्शनका लागि श्रद्धालुको घुइँचो लागेको छ । बिहानैदेखि पानी परिरहे पनि भक्तजनको उत्साहमा कमी आएको छैन ।

May be an image of one or more people and temple

भक्तजनको सहजताका लागि पशुपतिनाथ मन्दिरका चारै ढोका बिहान ३ बजेदेखि नै खुला गरिएको छ । बोलबम यात्राका लागि सुन्दरीजलमा जम्मा भएर वाग्मतीको पवित्र जल ल्याएका श्रद्धालुले पशुपतिनाथमा जल चढाउन सकून् भनेर विशेष व्यवस्था मिलाइएको छ ।

May be an image of one or more people and crowd

दर्शनार्थीको सहजताका लागि सुरक्षा व्यवस्था, स्वयंसेवक परिचालन, दर्शन व्यवस्थापन, स्वास्थ्य शिविर, खानेपानीलगायतका आवश्यक प्रबन्ध मिलाइएको छ ।

May be an image of one or more people and temple

साउन महिना भगवान् शिवको प्रिय महिना र सोमबार शिवजीको बार भएकाले यस अवसरमा शिवालयहरूमा विशेष पूजा–आराधना गर्ने धार्मिक परम्परा छ । साउन महिनाभर पशुपतिनाथमा सुन्दरीजलबाट बोलबम यात्रा गरी जल चढाउने श्रद्धालुको समेत ठूलो भीड लाग्ने गरेको छ ।

May be an image of temple

May be an image of one or more people and temple

आज काठमाडौं उपत्यकाका पशुपतिनाथसहित गोकर्णेश्वर, सन्तानेश्वर, डोलेश्वर, किरातेश्वर र भालेश्वरलगायतका शिवालयमा पनि बिहानैदेखि भक्तजनको भीड लागेको छ । त्यस्तै, काभ्रेपलाञ्चोकको साँगा, तनहुँको देवघाट, म्याग्दीको गलेश्वरलगायत देशभरका शिवालयमा श्रद्धालुले स्नान गरी महादेवको पूजा–आराधना गरिरहेका छन् ।

May be an image of one or more people and temple

सोमवार, श्रावण २५ २०८३१२:४९:२४

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।