सरकारी निवेदनको ढाँचा अब देशभर एउटै हुने

मेगा खबर संवाददाता

२७, श्रावण २०८३

838

सरकारी निवेदनको ढाँचा अब देशभर एउटै हुने

सरकारी कार्यालयमा सेवा लिन पेस गरिने निवेदनको ढाँचामा अब देशभर एकरूपता कायम हुने भएको छ । प्रधानमन्त्री तथा मन्त्रिपरिषद्को कार्यालयले ‘सरकारी कार्यालयमा प्रयोग हुने निवेदनको ढाँचा तथा सोको कार्यान्वयन मार्गदर्शन,२०८३’ स्वीकृत गरी सबै सरकारी निकायलाई प्रभावकारी कार्यान्वयनका लागि निर्देशन दिएको हो ।

मार्गदर्शन लागू भएपछि सेवाग्राहीले कार्यालयपिच्छे फरक–फरक ढाँचामा निवेदन लेख्नुपर्ने अवस्थाको अन्त्य हुने अपेक्षा गरिएको छ । यसले सार्वजनिक सेवा प्रवाहलाई सरल,सहज, प्रभावकारी र नागरिकमैत्री बनाउन सहयोग पुग्ने सरकारको विश्वास छ ।

त्यस्तै,निवेदनका ढाँचालाई डिजिटल माध्यमबाट समेत प्रयोग गर्न मिल्ने बनाइने भएकाले भविष्यमा सरकारी सेवा अनलाइन तथा मोबाइल एपमार्फत लिन थप सहज हुने अपेक्षा गरिएको छ ।

मार्गदर्शनले कार्यालय परिसरमा सेवाग्राहीको निवेदन तयार गरिदिएबापत रकम लिने अनधिकृत सेवा सहजीकरण तथा बिचौलिया प्रवृत्तिलाई समेत निरुत्साहित गर्ने सरकारको भनाइ छ ।

मार्गदर्शनको प्रभावकारी कार्यान्वयनको मुख्य जिम्मेवारी सम्बन्धित सरकारी कार्यालयका प्रमुखलाई तोकिएको छ ।

बुधवार, श्रावण २७ २०८३०२:४०:३१

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।