जलबिरे स्वास्थ्य केन्दको सक्रियता, पर्याप्त स्वास्थ्य सामाग्रीको अभाव

मेगा खबर संवाददाता

६, जेठ २०७७

7.2K

जलबिरे स्वास्थ्य केन्दको सक्रियता, पर्याप्त स्वास्थ्य सामाग्रीको अभाव

बिश्वभर कोरोना भाइरसको माहामारी फैलिदै गई नेपालमा पनि यसको संक्रमण बढिरहेको बेला सिन्धुपाल्चोक जिल्लाको बलेफी गा पा १ मा रहेको जलिबरे प्राथमिक स्वास्थ्य केन्द्रले स्थानिय बासिन्दाहरुको स्वास्थ्य उपचारमा सक्रियता देखाएको छ ।

यस स्वास्थ्य केन्द्रले आइसोलेसनको समेत ब्यबस्था गरी विशेष गरी बलेफी गा पा को वडा न १, २, ३, ४, जुगल गा‍ पा को ७ वटै वडा तथा चौतारा साँगाचोकगढी न पा २ र ३ गरी यस ब्रमायणी भेगका करिब १३ वटा वडाका बासिन्दाहरुलाई स्वास्थ्य सेवा पुर्याउंदै आएको छ ।

यस स्वास्थ्य केन्द्रलेबाट कोरोना सक्रमण RDT परिक्षण ६० जनाको भैसकेको र तिनिहरु सबैको रिपोर्ट नेगेटिभ आएको केन्द्रका डा पिताम्बर खनालले बताउनुभयो । उहाँले यसअधि RDT परिक्षणमा पोजेटिभ आएका बिरामीहरुको PCR परिक्षण्को लागि टेकु पठाएकोमा ती सबैको रिपोर्ट नेगेटिभ आएको बताउनुभयो । उहाँका अनुसार केही समय अगाडि १ जना बिरामीलाई आइसोलेसनमा राखी PCR परिक्षणका लागि टेकु पठाईएकोमा रिपोर्ट नेगेटिभ आएको थियो र हाल सम्म यस स्वास्थ्य केन्द्रका कुनै पनि बिरामीको PCR रिपोर्ट पोजेटिभआएको छैन ।

सस्थामा RDT परिक्षणका लागि ६ थान किट बाँकी रहेको र PCR का लागि VTM भने २ थान मात्र बाँकी रहेको उहाँले जानकारी दिनुभयो । आगामी दिनमा परिक्षणको मात्रा बढेमा भने PPA सेटको अभाब हुनसक्ने डा पिताम्बरले बताउनुभयो । थप आवश्यक स्वास्थ्य सामाग्री उपलब्ध गराउन लागि पहल भैरहेको बलेफी गा पा १ का वडा अध्यक्ष मधु बहादुर थापाले बताउनुभयो ।

मंगलवार, जेठ ६ २०७७०४:०४:४७

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।